Reading Cafe Library System යනු ශ්රී ලංකාවේ නිර්මාණය වූ ප්රථම සහ එකම ප්රජා මූලික පොත් නාමාවලි පද්ධතියයි (Sri Lanka’s First Community Book Catalog System).
ශ්රී ලංකාව තුළ මෙතෙක් පොත් ලෝලීන් සඳහාම වෙන්වූ, පුළුල්ව භාවිතා කළ හැකි ක්රමවත් ඔන්ලයින් පොත් නාමාවලි පද්ධතියක් (Online Book Catalog) නොතිබීමේ විශාල අඩුව පුරවාලීම සඳහා මෙම පද්ධතිය නිර්මාණය කර ඇත. මෙය වසර ගණනාවක් තිස්සේ ශ්රී ලාංකීය පාඨකයින් බලාපොරොත්තුවෙන් සිටි පහසුකමකි.
අපගේ පද්ධතියේ ඇති සුවිශේෂීතා:
පරිවර්තන සඳහා විශේෂිතයි: වෙනත් කිසිදු නාමාවලි පද්ධතියක නොමැති ආකාරයට, පරිවර්තන කෘතියක් (Translation) ඇතුළත් කිරීමේදී එහි මුල් කෘතියේ නම (Original Title) සහ මුල් කර්තෘවරයා (Original Author) පිළිබඳ දත්ත වෙනමම ගබඩා කර පෙන්වීමේ පහසුකම සලසා ඇති එකම පද්ධතිය මෙයයි.
පාඨකයින්ටම ඉඩක්: මෙය හුදෙක් දත්ත ගබඩාවක් පමණක් නොවේ. පාඨකයින්ට තමන් සතු පොත් ලැයිස්තුගත කිරීමට (List their own books) සහ තමන්ගේම අතථ්ය පුස්තකාලයක් (Virtual Library) පවත්වාගෙන යාමට මෙහි ඉඩ ලබා දී ඇත.
ශ්රී ලාංකීය පාඨක ප්රජාව එකම තැනකට එකතු කරමින්, පොත් කියවීමේ සංස්කෘතිය නව තාක්ෂණය හා මුසු කිරීම අපගේ අරමුණයි.